
BMT-nin Suriya üzrə xüsusi nümayəndəsi Astana danışıqlarında iştirak edəcək
BMT-nin Suriya üzrə xüsusi nümayəndəsi Geir Pedersen Qazaxıstanın paytaxtı Astanada keçiriləcək Suriya üzrə beynəlxalq toplantıda iştirak etməyi planlaşdırır.
Busaat.az xəbər verir ki, bu barədə Rusiya prezidentinin Yaxın Şərq üzrə xüsusi nümayəndəsi Mixail Boqdanov bildirib.
“Həmişə olduğu kimi, müşahidəçi ölkələrin nümayəndələri danışıqlarda iştirak edəcəklər. Bunlara Suriyanın qonşu ölkələri İraq, Livan və İordaniya daxildir. BMT orqanlarından həmkarlarımız da buradadır”, – Boqdanov deyib.
Xatırladaq ki, iyunun 20-21-də Suriya üzrə keçiriləcək beynəlxalq toplantıya Astana ev sahibliyi edir.
Busaat.az























