“Bu prosesin təşkilatçıları ehtiyatlarımızı talan etməyə çalışırlar. Bu, BMT platformasından istifadə edərək talançılığın rəsmiləşdirilməsidir”.
Busaat.az xəbər verir ki, bunu Kremlin sözçüsü Peskov bildirib.
Peskov Birləşmiş Millətlər Təşkilatının (BMT) Baş Assambleyasında Rusiyanın Ukraynaya müharibə təzminatı ödəməsi ilə bağlı qəbul edilən qətnaməyə reaksiya verərək deyib: “Bu prosesin təşkilatçıları ehtiyatlarımızın talanını tamamlamağa çalışırlar. Bu, talançılığın rəsmiləşdirilməsidir. BMT platformasından istifadə edərək soyğunçuluq edirlər”.
Qeyd edək ki, 193 üzvdən ibarət BMT Baş Assambleyası dünən Rusiyanın Ukrayna daxilində və ya ona qarşı beynəlxalq hüququn hər hansı pozuntusuna görə məsuliyyət daşımasını tələb edən qətnamədə səs verib.
94 ölkə lehinə, 14 ölkə əleyhinə səs verib, 74 üzv ölkə bitərəf qalıb. Qətnamənin əleyhinə səs verən üzv ölkələr arasında Rusiya, Çin, İran və Suriya var.
