BMT Ukraynada sülhün əldə edilməsinə yardım etməyə hazırdır

BMT Ukrayna münaqişəsinin beynəlxalq hüquq əsasında həllinə kömək etməyə hazırdır.

Busaat.az xəbər verir ki, bunu BMT baş katibinin sözçüsü Stefan Düjarrik cümə axşamı keçirdiyi brifinqdə Türkiyənin münaqişənin həllində vasitəçi olmağa hazır olduğunu şərh edərkən deyib.

“Görmək istədiyimiz son nəticə, BMT Nizamnaməsinə və beynəlxalq hüquqa uyğun olaraq bu müharibənin sona çatmasıdır və biz bu məqsədə çatmaq üçün tərəflərə kömək etməyə hazırıq” – deyə, diplomat qeyd edib.

Mətbuat katibi əlavə edib ki, baş katib Ukrayna münaqişəsinin həlli məsələsində “realist” olaraq qalır və təşkilat sülhün nizamlanması üzrə təşəbbüslərin nə ilə nəticələnəcəyi barədə konkret fikrə sahib deyil.

Busaat.az