Bolqarıstan rəsmiləri Türkiyə ilə qaz razılaşması üçün İstanbula gəlib

Bolqarıstanın energetika naziri vəzifəsini icra edən Rossen Xristov bu ay Türkiyədə mayeləşdirilmiş təbii qaz (LNG) terminallarına uzunmüddətli çıxış və təbii qazın Bolqarıstan sərhədinə qədər çatdırılması ilə bağlı razılaşmanı təmin etmək üçün İstanbula gəlib.

Busaat.az xəbər verir ki, danışıqlarda Bolqarıstanın dövlət təbii qaz şirkəti Bulgargaz və yeni təbii qaz tədarükü mənbəyi axtarışında olan təbii qaz xətti əməliyyat şirkəti Bulqartransgaz da iştirak edib.

“Reuters”in məlumatına görə, Xristov “Bulgargaz” və “Botaş” arasında danışıqların sürətlə davam etdiyini və bu il razılığın əldə olunacağına ümid etdiyini bildirib.

Balkan ölkələrinin təbii qaz ehtiyacının 95%-dən çoxunu təmin edən Rusiya, Bolqarıstanın rublla ödəmə etməkdən imtina etməsindən sonra aprel ayında Bolqarıstana təbii qaz tədarükünü dayandırıb.

Qeyd edək ki, Bolqarıstan 2036-cı ildən etibarən ildə 1 milyard kubmetr (bcm) LNG idxal etmək istəyir.

Busaat.az