Bolqarıstanın cənub-şərqində leysan yağışların səbəb olduğu daşqınlar nəticəsində həyatını itirənlərin sayı 4-ə yüksəlib.
Busaat.az-ın məlumatına görə, bu barədə Bolqarıstan Xəbər Agentliyi (BTA) bildirib.
Burqas şəhərinin yerli məmurlarından biri Emil Pavlov leysan yağışlarının səbəb olduğu daşqınlarla bağlı mətbuata açıqlama verib.
Güclü yağışların səbəb olduğu daşqınlar nəticəsində həyatını itirənlərin sayının 2-dən 4-ə yüksəldiyini deyən Pavlov itkin düşənlərin olmadığını da əlavə edib.
Tsarevo meri Georgi Lapçev daşqınlar nəticəsində bölgədəki infrastrukturun ciddi şəkildə zədələndiyini bildirib.
Lapçev sel sularının rayonda bəndlərin divarlarına vurduğu ziyanla əlaqədar təcili təmir işlərinə başlanılacağını və işıqsız yaşayış məntəqəsinin olmadığını deyib.
