Bolqarıstanın paytaxtı Sofiya şəhərindən 8 km aralıda, Trakya magistralında 80 qeyri-qanuni miqrantı daşıyan yük avtomobili saxlanılıb.
Busaat.az xəbər verir ki, bu barədə Bolqarıstan Milli Radiosu məlumat yayıb.
Hazırda hadisə yerində polis qrupları işləyir, qaçqınların şəxsiyyəti müəyyənləşdirilir və qaçmağa müvəffəq olan yük maşını sürücüsünün axtarışı aparılır. Digər təfərrüatlar açıqlanmayıb.
Bundan əvvəl ölkənin daxili işlər naziri Kalin Stoyanov yay aylarında Bolqarıstan ərazisindən keçən miqrasiya axınının keçən ilin eyni dövrü ilə müqayisədə təxminən 57% artdığını açıqlamışdı.
Qeyd olunub ki, gün ərzində minə yaxın insan Bolqarıstan və Türkiyə sərhədini qanunsuz keçməyə çalışır.
