Bolqarıstanda müdafiə nazirini ölümlə hədələyən şəxs həbs edilib

Bolqarıstanın hüquq-mühafizə orqanları ölkənin müdafiə naziri Todor Taqarevi öldürməklə hədələyən 39 yaşlı şəxsi həbs edib.

Busaat.az xəbər verir ki, bu barədə Euractiv portalı yazı dərc edib.

Portalın məlumatına görə, saxlanılan şəxs həmin hədələri sosial şəbəkə hesablarında yazıb.

“İyulun 4-də təqsirləndirilən şəxs Ukrayna münaqişəsi ilə bağlı mövqeyini bəyənmədiyi üçün Taqarevi öldürməklə hədələyib. Həmin şəxs 72 saat saxlanılıb”, – məlumatda bildirilir.

Euractiv-in bildirdiyi kimi, Taqarev sələfi ilə müqayisədə Avropayönlü mövqe tutaraq, Ukraynaya hərbi, maliyyə və humanitar yardımların göstərilməsinin tərəfdarıdır. Xüsusən də yeni nazir Kiyevə ağır silahların göndərilməsinin tərəfdarıdır.

Busaat.az