Borrel: “Aİ-nin istəyi III Dünya müharibəsi deyil“

“Avropa İttifaqı təbii ki, müdafiə sektoruna investisiyaların artırılmasını təklif edir, eyni zamanda, dünyanı III qlobal müharibəyə sürükləmək niyyətində deyil”. 

Busaat.az xəbər verir ki, bunu  Aİ diplomatik xidmətinin rəhbəri Jozep Borrel deyib.

Qeyd edək ki, hazırda Avropa Komissiyası Aİ-nin müdafiə xərclərinin artırılmasını təklif edir.

Diplomat bununla bağlı bildirib: “Hərbi yarışa girəcəyimizi və dünyanı III qlobal müharibəyə aparacağımızı söyləyənlər çox yanılırlar. Əksinə, söhbət silahlanmanın artırılmasından deyil, koordinasiyadan gedir ki, biz daha az xərcləyək, amma bütün vətəndaşlarımız üçün ən yaxşı şəkildə, savadlı şəkildə xərcləyək, müdafiə sektorunda ən yaxşı müdafiəni təmin etmək üçün kollektiv satınalmalar həyata keçirək”.