“Böyük Avrasiya Tərəfdaşlığı” Rusiyanın flaqman layihəsinə çevrilir – Lavrov

“Böyük Avrasiya Tərəfdaşlığı” layihəsinə dəstəyin yaradılması Rusiyanın xarici siyasətinin flaqman layihəsi kimi qiymətləndirilə bilər.

Busaat.az xəbər verir ki, bunu Rusiyanın xarici işlər naziri Sergey Lavrov deyib.

“Bizim əsas xarici siyasi layihəmiz Böyük Avrasiya Tərəfdaşlığı konsepsiyasına dəstək olmaqdır.  Artıq bu istiqamətdə əməli addımlar atılır”, – Lavrov bildirib.

Bunlara Avrasiya İqtisadi İttifaqı (Aİİ) və Çinin “Bir kəmər, bir yol” təşəbbüsünün bir-birini tamamlayan inkişaf planlarının əlaqələndirilməsi, Şanxay Əməkdaşlıq Təşkilatı (ŞƏT) çərçivəsində ŞƏT-ə müşahidəçi dövlətlərin və dialoq üzrə tərəfdaşların cəlb edilməsi ilə qarşılıqlı fəaliyyətin genişləndirilməsi, Rusiya ilə Cənub-Şərqi Asiya Ölkələri Assosiasiyası (ASEAN) arasında strateji tərəfdaşlıq, Aİİ, ŞƏT və ASEAN-ın icra orqanları arasında işgüzar əlaqələrin qurulması daxildir.

Busaat.az