Böyük Britaniya tanklarının istifadəsi çətin, Ukrayna üçün təsirsiz ola bilər

Böyük Britaniyanın “Challenger 2” tanklarının Ukrayna silahlı qüvvələri üçün faydalı ola biləcəyi ehtimalı azdır, çünki onları mənimsəmək çətindir.

Busaat.az xəbər verir ki, bunu təqaüddə olan RAF Hava Qüvvələrinin vitse-marşalı Şon Bell çərşənbə axşamı Sky News-a bildirib.

Onun sözlərinə görə, Britaniya ordusunun əsas döyüş tankı 1995-ci ildən xidmətdə olan, lakin kifayət qədər effektivliyini qoruyan “Challenger 2”dir. Bununla belə, onun istifadəsi üçün mürəkkəb və uzun müddət tələb edən ekipaj hazırlığı tələb olunur, ona görə də Bell bu maşınların Kiyevə veriləcəyinə şübhə edir.

“Onlar elektronika, lazer nişangahı, gecə görmə eynəkləri, hədəf kompüterləri ilə doludur, bunların hamısı ukraynalılar üçün ikiqat çətin olacaq və çox yaxşı təlim keçmək lazım olacaq. Ona görə də düşünürəm ki, bu, hələ də fərziyyədir. Bu gün ukraynalıların bunlardan necə faydalanacağını görmək çox çətindir” – deyə, general qeyd edib.

Böyük Britaniya rəsmisi əlavə edib ki, Kiyev qoşunları Sovet və Rusiya istehsalı olan tanklardan əlavə təlim keçmədən və ehtiyat hissələri çatışmazlığı olmadan istifadə edə bilər.

Böyük Britaniyanın baş naziri Rişi Sunakın sözçüsü bazar ertəsi bildirib ki, Ukraynaya Böyük Britaniya tankları verilməsi ilə bağlı yekun qərar hələ verilməyib. O, Sky News-un on “Challenger 2” tankının Kiyev hökumətinə təhvil verilə biləcəyi ilə bağlı xəbərini şərh etməkdən imtina edib.

Busaat.az