Böyük Britaniya və ABŞ Rusiyanın enerji ixracından “qlobal asılılığı” azaltmaq məqsədi daşıyan enerji təhlükəsizliyi sahəsində yeni tərəfdaşlıq imzalayıblar. Böyük Britaniya Baş nazirinin ofisindən.
Busaat.az xəbər verir ki, bu barədə məlumat Böyük Britaniyanın Baş naziri Rişi Sunak və ABŞ prezidenti Co Baydenin internet saytında yerləşdirilən müvafiq bəyanatlarında yer alıb.
“Yeni “Böyük Britaniya-ABŞ Enerji Təhlükəsizliyi və Əlverişli Qiymət Tərəfdaşlığı” çərçivəsində Böyük Britaniya və ABŞ Rusiyanın enerji ixracından qlobal asılılığı azaltmaq, enerji bazarlarını sabitləşdirmək və enerji səmərəliliyi, nüvə və bərpa olunan enerji sahəsində əməkdaşlığı gücləndirmək üçün birgə hərəkət edəcəklər” – deyə,bəyanatda deyilir.
“Tərəfdaşlıq təbii qaz təchizatı, enerji səmərəliliyi və təmiz enerjiyə diqqət yetirməklə, enerji nazirlərinin rəhbərlik etdiyi Böyük Britaniya-ABŞ Strateji Enerji Dialoqunun işinə əsaslanacaq” – deyə, məlumatda əlavə edilib.
Busaat.az
