Böyük Britaniyada iki nəfərdə quş qripi aşkar edildi

image-565fccebc6c2930backend

İngiltərədə quşçuluq fermasında işləyən iki nəfərdə quş qripi virusu aşkarlanıb.

Busaat.az xəbər verir ki, İngiltərə Sağlamlıq Təhlükəsizliyi Agentliyindən (UKHSA) verilən açıqlamada, quşçuluq fermasında çalışan iki nəfərin quş qripi testlərinin müsbət çıxdığı, lakin insandan insana yoluxma əlamətlərinin olmadığı bildirilib.

Açıqlamada qeyd olunub ki, xəstəliyə yoluxmuş işçilər profilaktika məqsədilə təcrid olunub.

UKHSA-nın Baş Tibb Məsləhətçisi, professor Susan Hopkins məsələ ilə deyib:

“Mövcud əlamətlər göstərir ki, bütün dünyada quşlar arasında dolaşan quş qripi virusları insanlarda asanlıqla yayılmır. Bununla belə, biz bilirik ki, virus xəstə quşlarla yaxın təmasdan sonra insanlara keçə bilər”.

2022-ci ilin yanvarında Böyük Britaniyada quş qripinin ev quşlarından insana keçməsi halının aşkarlandığı bildirilib.

2022-ci ilin oktyabr ayında çöl quşlarında və ticarət obyektlərində satılan məhsullarda quş qripi hallarının artmasından sonra riski azaltmaq üçün ölkə daxilində “Quş qripinin qarşısının alınması zonası” elan edilib.

Ölkədə 2021-ci ildə fövqəladə səviyyəyə çatan quş qripi epidemiyası səbəbindən on minlərlə ev quşu məhv edilib.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90