Böyük Britaniyada tibb bacıları tətil edəcək

Böyük Britaniyada maaşların artırılması ilə bağlı mübahisələrə görə tibb bacıları bütün ölkə üzrə tətil elan edib.

Busaat.az xəbər verir ki, Kral Tibb Bacısı Kolleci (RCN) birliyi 106 illik tarixində ilk dəfə tətilə səs verib.

Birlik tərəfindən edilən açıqlamada, ölkə daxilində təxminən 300.000 personalın əksəriyyətinin tətil lehinə səs verdiyi bildirilib.

Bəyanatda hökumətin gələn həftə açıqlayacağı payız büdcəsindən mövcud problemlərin həlli istiqamətində yeni qərarları dəstəkləməsinin vacib olduğu qeyd olunub.

Tibb bacılarının tətilinin təfərrüatları hələ müəyyən edilməsə də işlərin dayandırılmasının bu ilin sonuna kimi planlaşdırıldığı və xəstələrin əməliyyatlarda və digər tibbi xidmətlər zamanı fasilələrlə üzləşə biləcəyi gözlənilir.

Qeyd edək ki, Birlik maaşlarda inflyasiyadan 5% yuxarı artım tələb edir.

Busaat.az