Braziliyada neonasist təhlükəsi artır

Nasizmə aid simvollardan istifadənin cəzalandırıldığı Braziliyada neonasistlərin sayında “əhəmiyyətli artım” müşahidə edilib.

Busaat.az xarici mediaya istinadən xəbər verir ki, Braziliya Federal Polisi, 2019-cu ildən bəri neonasizmə təhrik iddiası ilə açılan araşdırmaların sayının artdığını və bu il neonasist mənsubiyyəti olan insanların sayında “əhəmiyyətli bir artım” olduğunu bildirib.

Reuters-də yer alan xəbərə görə, Braziliyanın keçmiş prezidenti Jair Bolsonaronun 2019-2023-cü illər ərzində həyata keçirdiyi ifrat sağçı siyasətlər neonasistlərin sayının artdığı Braziliyada təsirli olub.

Polisin açıqlamasında bildirilir ki, Bolsonarunun prezident seçildiyi 2018-ci ildə yalnız bir nasist istintaqı açılsa da, təkcə bu il “nasizmi yaymaq”la bağlı 21 istintaq açılıb.

Braziliyanın 1989-cu ildə qəbul edilmiş irqçilik qanununda nasistlərin lideri Adolf Hitleri tərifləmək və ya Adolf Hitlerdən üzr istəmək kimi ifadələr ifadə azadlığı qanunları çərçivəsindən kənarda saxlanılır. Qanun nasizmlə əlaqəli simvollardan istifadəni də cəzalandırır.

Busaat.az