Britaniya artilleriya təkmilləşdirmə proqramını sürətləndirir

Britaniya Ukraynadakı münaqişədən dərs çıxararaq quru qoşunlarının artilleriya imkanlarını təkmilləşdirmək proqramını sürətləndirir.

Busaat.az xəbər verir ki, bunu “Defence News” yazır.

Proqramın mövcud cədvəlinə görə, Britaniyanın AS-90 silahlarını əvəz edəcək yeni artilleriya vasitələri 2032-ci ildə döyüşə tam hazır olmalıdır.

Yeni artilleriya cədvəlini yenidən nəzərdən keçirmək üçün təzyiq bir müddətdir artıb.

Müharibədən əvvəl də Beynəlxalq Strateji Tədqiqatlar İnstitutunun quru müharibəsi üzrə analitiki Ben Barri ingilislərin Rusiya ordusu ilə istənilən döyüşdə böyük itki verəcəyini təfərrüatlandıran araşdırmalar hazırlayıb.

Müdafiə naziri Ben Uolles daha əvvəl etiraf edib ki, artilleriya çatışmazlığı böyük problemdir.

“Mənim əsas narahatlığım bəzi əksikliklərimizin olmasıdır. Biz ağır artilleriyamızda demək olar ki, həddindən artıq geridəyik. Bizim AS-90 silahlarımızın uçuş məsafəsi təxminən 23 və ya 24 kilometrdir. Fransa və digərlərinin bənzər silahlarının uçuş məsafəsi isə 55 kilometr məsafədədir”, – Ben Uolles deyib.

Busaat.az