Britaniya mediasından İDDİA: Putin Makronu “Xirosima” ilə hədələyib?

Rusiya prezidenti Vladimir Putin Makrona “Xirosimanı” xatırladıb və qələbə üçün nüvə silahından istifadə etmələrinə ehtiyac olmadığını deyib. Rusiya prezidenti Vladimir Putinlə Fransa prezidenti Emmanuel Makron arasında telefon danışığı olub.

Busaat.az xəbər verir ki, Britaniyanın “Daily Mail” qəzeti diplomatik mənbələrə əsaslanaraq iddia edib ki, Putin Makronu nüvə silahı ilə təhdid edib.

Görüşdə Putin Makrona “Müharibədə qalib gəlmək üçün böyük şəhərlərə nüvə hücumu reallaşdırmağa ehtiyacımız yoxdur. Xirosima və Naqasakiyə atılan atom bombaları buna sübutdur” deyib.

Britaniya qəzetinə danışan mənbə Putinin sözlərini belə şərh edib: “Makron açıq-aşkar təşvişə düşüb. Bu, Putinin Kiyevə toxunmadan Ukraynanın şərqində taktiki nüvə silahından istifadə edə biləcəyinin ən bariz sübutudur”.

Rusiya liderinin bəyanatı Rusiya qüvvələrinin Ukraynadan çıxmağa başladığı və nüvə silahından istifadə ehtimalı ilə bağlı narahatlıqların artırdığı bir vaxta təsadüf edib. Putin xəbərdarlıq edib ki, əgər Qərb dövlətləri Rusiya ərazisinin “bütövlüyünü” təhlükə altına alarsa, Rusiya əlində olan bütün vasitələrdən istifadə edəcək və bu, blef deyil.

Daily Mail yazır ki, Makronla Putin arasında görüş sentyabrın 11-də baş tutub. Sentyabrın 11-də Makron Putindən Ukraynada atəşkəs tələb edib.

Busaat.az