Britaniya Moskva administrasiyasını “düşmən rejim” adlandırıb
“Ukraynaya səfərim zamanı gördüyüm mənzərə məsuliyyətli dövlət tərəfindən deyil, Birləşmiş Millətlər Təşkilatının (BMT) nizamnaməsini pozan bir rejim tərəfindən çəkilib”.
Busaat.az xəbər verir ki, bunu Böyük Britaniyanın xarici işlər naziri Ceyms Kleverli bildirib.
Böyük Britaniyanın xarici işlər naziri Ceyms Kleverli Kiyevdə iyunun sonunda Londonda keçiriləcək 2-ci Beynəlxalq Ukraynanın Təkmilləşdirilməsi Konfransı öncəsi rəsmi danışıqlar aparıb.
Nazir Rusiya-Ukrayna müharibəsi başlayandan bəri ikinci dəfə Kiyevə səfər edib və bu səfər zamanı İngiltərənin həm döyüş meydanında, həm də ölkənin yenidən qurulmasında Ukraynaya töhfə verməyə davam edəcəyini çatdırıb.
Səfər çərçivəsində Kleverli Ukrayna prezidenti Volodimir Zelenski və xarici işlər naziri Dmitri Kuleba ilə də görüşüb.
Bəyanatda, köçkün uşaqların reabilitasiya olunduğu bir mərkəzə də baş çəkildiyi, İngiltərənin Rusiya Uşaq Hüquqları Komissiyasının sədri Mariya Lvova-Belovanın ukraynalı uşaqları zorla başqa ailələrə vermək cinayətinə görə sanksiyaya məruz qaldığı da paylaşılıb.
Busaat.az
