Britaniya nüvə başlıqlarını yeniləyəcək

Böyük Britaniya köhnə Vanguard tipli sualtı qayıqları yeniləri ilə əvəz edəcək və nüvə başlıqlarını yeniləyəcək.

Busaat.az xəbər verir ki, bu barədə ölkənin Silahlı Qüvvələrinin İnkişaf Planı haqqındakı məlumatda qeyd edilib.

Bildirilir ki, 2016-cı ildə Britaniya parlamenti nüvə qüvvələrinin yenilənməsi və Vanguard sualtı qayıqlarının dörd Dreadnought sualtı qayığı ilə əvəzlənməsinin lehinə səs verib. İlk sualtı qayıq 2030-cu ildə hazır olacaq.

“Dreadnought tipli çəkindirici vasitələrin effektivliyini təmin etmək üçün biz nüvə başlıqlarımızı da əvəz edəcəyik. Ölkədə sualtı qayıqlar və əvəzedici döyüş başlıqları yaradılacaq”, – məlumatda deyilir.

Qeyd edilir ki, Böyük Britaniya Müdafiə Nazirliyi növbəti iki il üçün əlavə 3 milyard funt sterlinq (3,9 milyard dollar) və növbəti üç il üçün isə daha 6 milyard funt sterlinq maliyyə vəsaiti almışdır.

Xaırldaq ki, Britaniyanın dörd nüvə sualtı qayığı var. HMS Victorious, HMS Vanguard, HMS Vigilant və HMS Vengeance.

Busaat.az