Britaniya ordusu Əfqanıstanda 64 uşaq öldürüb?

İngilis qüvvələrinin 2006-2014-cü illərdə Əfqanıstanda iştirak etdiyi əməliyyatlarda 64-135 uşağın öldüyü, ancaq həyatını itirən yalnız 64 uşaq üçün orta hesabla 1656 sterlinq təzminat ödənildiyi bildirilib.

Busaat.az xəbər verir ki, bu barədə Silahlı Zorakılığa Qarşı Fəaliyyət (AOAV) təşkilatı məlumat yayıb.

Məlumata görə, Böyük Britaniya Müdafiə Nazirliyi daha əvvəl 16 uşağın ölümünə görə təzminat ödədiyini etiraf edib. Lakin sonradan bu rəqəm 64-ə yüksəlib. Həyatını itirən uşaqların faktiki sayının 135-ə yüksələ biləcəyinə işarə edən AOAV buna səbəb kimi ölənlərin bir qismi haqqında məlumatların nazirlik sənədlərində yalnız “oğulları-qızları” kimi yer alması və onların yaşları, ölüm səbəbləri ilə bağlı ətraflı məlumatların olmamasını göstərib.

Böyük Britaniya mərkəzli AOAV-nin məlumatlarına görə, sadalanan ölümlərin əsas səbəbləri arasında hava zərbələri və çarpaz atəş açılması olub.

Həyatını itirən uşaqlar üçün orta hesabla 1656 funt sterlinq təzminat ödənildiyini bildirən AOAV, ödəniş edilməzdən əvvəl iddiaçılardan tez-tez fotoşəkillər və doğum şəhadətnamələri istəndiyini qeyd edib.

Həmçinin bildirilib ki, müraciət edənlərin bir çoxu Talibanla əlaqəsinin olub-olmadığını müəyyən etmək üçün Britaniya personalı ilə görüşüblər.

Busaat.az