Britaniya və Rusiya Müdafiə nazirləri Ukraynadakı vəziyyəti müzakirə edib

Rusiya Müdafiə Naziri Şoyqu dağıdıcı bombadan istifadə ilə bağlı Ukraynanın mümkün təxribatlarından narahat olduqlarını bildirib.

Busaat.az xəbər verir ki, bu barədə Böyük Britaniyanın Müdafiə Naziri Ben Uolles ilə Rusiyanın Müdafiə naziri Serqey Şoyqu arasında telefon danışığı baş tutub.

Telefon danışığı zamanı tərəflər Ukraynadakı vəziyyəti müzakirə edib.

“Rusiya Müdafiə Nazirliyinin tələbi ilə İngiltərə Müdafiə naziri və rusiyalı həmkarı Serqey Şoyqu arasında telefon danışığı olub. Nazir Şoyqu iddia edib ki, Ukrayna münaqişəni genişləndirmək üçün Qərb ölkələri, o cümlədən Böyük Britaniya tərəfindən dəstəklənən təxribatlar planlaşdırır. İngiltərə Müdafiə naziri Uollas bu iddiaları təkzib edib və xəbərdarlıq edib ki, bu cür iddialar daha böyük eskalasiya üçün bəhanə kimi istifadə edilməməlidir. Müdafiə naziri həmçinin Böyük Britaniyanın Ukraynaya daha geniş beynəlxalq dəstəyi və bu münaqişənin gərginliyini azaltmaq istəyini təkrarlayıb. Müharibəni həll etmək Ukrayna və Rusiyanın işidir və Böyük Britaniya kömək etməyə hazırdır” -deyə, Rusiya Müdafiə Nazirliyindən bildirilib.

Qeyd edək ki, Rusiya Müdafiə naziri fransalı, türkiyəli və amerikalı həmkarları ilə də Ukraynadakı vəziyyəti müzakirə edib.

Busaat.az