“Böyük Britaniya ABŞ-dan 5- ci nəsil F-35 lər alınmasını dayandırıb”.
Busaat.az Türkiyə mediasına istinadən xəbər verir ki, buna səbəb İngiltərənin 2018 – ci idə əsası qoyulan 6 – cı nəsil savaş təyyarəsi layihəsidir.
İtaliyan və İsveç şirkətlərinin də yer aldığı bu layihə üçün İngiltərə hökuməti təkcə ötən il 2 milyard pound vəsait ayırıb. İstehsal olunacaq təyyarənin adının “Tempest”olacağı bildirilir.
Təqribən bir həftə öncə İngiltərə və Türkiyə arasında əldə olunmuş razılığa əsasən Türkiyə də “Tempest” proqramına daxil edilib və və hər iki ölkə bu yeni 6-cı nəsil savaş təyyarəsini birgə istehsal edəcəklər.
Qeyd edək ki, bu təyyarənin dünyada hələ ki, anoloqu yoxdur və o ABŞ-n istehsalı olan 5-ci nəsil F-35 lərdən daha üstün bir təyyarə hesab olunur.
Xatırladaq ki, İngiltərə Türkiyəyə hərbi avadanlıq satışı ilə bağlı əvvəl qoyduğu qadağanı artıq qaldırıb. Bu həm də o deməkdir ki, “Rolls Roce” şirkəti Türkiyə milli savaş təyyarəsi üçün yenidən 5-ci nəsil mühərrik istehsalını bərpa edəcək.
