Böyük Britaniyanın Moskvadakı səfirliyi Britaniya vətəndaşlarını Rusiyanı tərk etməyə çağırıb.
Busaat.az xəbər verir ki, bu barədə səfir Debora Bronnertin diplomatik nümayəndəliyin sosial media hesablarında məlumat yerləşdirib.
“Biz çətin və gərgin dövrdə yaşayırıq və son bir neçə həftənin hadisələri hamımızı narahat edirdi. Ukraynanın işğalı bu ölkəyə dəhşətli ziyan vurur, eyni zamanda Rusiyaya və bütün dünyaya ziyan vurur”, – səfir bildirib.
Onun sözlərinə görə, Britaniya hökuməti əvvəlki kimi Rusiyaya səfər etməməyi məsləhət görür. O əlavə edib ki, Rusiyada olanlar Britaniya Xarici İşlər Nazirliyinin bütün göstərişlərinə əməl etməlidirlər. Böyük Britaniyanın Moskvadakı səfirliyi və Yekaterinburqdakı Baş Konsulluğu fəaliyyətini davam etdirir.
Busaat.az
