Bu, əsrin ən şiddətli zəlzələlərindən biridir - ABŞ Dövlət Departamenti

ABŞ Dövlət Departamentinin sözçüsü Ned Prays Türkiyədə və Suriyada da baş verən dəhşətli zəlzələlərdə həyatını itirənlərə başsağlığı verib.

Busaat.az xəbər verir ki, təbii fəlakətlə bağlı ABŞ hökuməti açıqlama verib:

“Bu zəlzələ əsrin ən güclü zəlzələlərindən biri olub”.

“Zəlzələdə zərərçəkənlərə, sağ qalanlara, xilasetmə qruplarına, yardım qruplarına və zərər çəkmiş ailələrə başsağlığı veririk”, – deyən Prays, 3-ü ABŞ vətəndaşı olmaqla 15 mindən çox insanın həyatını itirdiyini bildirib.

O, ABŞ dövlət katibi Antoni Blinkenin Türkiyə xarici işlər naziri Mövlud Çavuşoğlu ilə danışdığı və ABŞ-ın zəlzələ bölgəsinə dəstəyini necə davam etdirə biləcəyi ilə bağlı fikir mübadiləsi apardığını söyləyib. Prays zəlzələdə ABŞ-dan 200 nəfərlik  yardım qrupunun olduğunu bildirib. O cümlədən xüsusi avadanlıqla təchiz edilmiş iki təcrübəli şəxsi heyətin ilkin tibbi yardım ləvazimatları və tibbi avadanlıqlarla da dəstək verdiyini açıqlayıb.

Suriyaya dəstək

Zəlzələdən zərər çəkən Suriyaya da dəstək verdiklərini bildirən Prays sərhəd qapılarını humanitar yardıma açdığı üçün Türkiyəni təqdir etdiklərini vurğulayıb.

Həmçinin Suriyaya göndərilən yardımların  ABŞ-ın dəstəklədiyi təşkilatlar vasitəsilə çatdırıldığını vurğulayan Prays, Əsəd rejiminə humanitar yardımların çatmasına icazə verməyə çağırıb.

Busaat.az