Fransada Baş Nazirlik nəzdində Gender Bərabərliyi üzrə Ali Şuranın hazırladığı hesabat dəhşətli mənzərə ortaya çıxarıb.
Belə ki, Baş nazirliyin nəzdində fəaliyyət göstərən Qadın və Kişi Bərabərliyi Yüksək Şurası (HCEFH) cinsiyyətçilik halları ilə bağlı hesabat dərc edib.
5-26 oktyabr 2022-ci il tarixlərində yaşı 15-dən yuxarı olan 2500 nəfərlə aparılan araşdırmanın nəticələri prezident Emmanuel Makrona təqdim olunacaq.
HCEFH üçün Viavoice İnstitutunun apardığı araşdırmaya görə, qadınların 37 faizi öz razılığı olmadan cinsi əlaqəyə məcbur edilib.
Qadınların 80 faizi kişilərdən pis rəftar gördüyünü bildirsə də, demək olar ki, üçdə biri təcavüzə məruz qaldığını açıqlayıb.
Gənclər arasında seksizm və zorlama halları geniş yayılsa da, kişilərin 26 faizi cinsi zorakılığa reaksiya və tədbirləri şişirdilmiş hesab edir.
Kişilərin yalnız 9 faizi kişilərin ev işləri ilə məşğul olmasını normal hesab edir. Bu nisbət hesabatda 25-34 yaş arası kişilər üçün yüzdə 15 olaraq əksini tapıb.
Ölkə əhalisinin 82 faizi gender məsələsinin hökumətin prioritet gündəm maddələri arasında olmasını istəyir.
HCEFH hesabatın narahatlıq doğurduğunu və Fransa hakimiyyətinin bu məsələ ilə bağlı səylərinin yetərli olmadığını vurğulayıb.
Busaat.az
