“Bu şəhər itirilsə, Zelenski devrilə bilər” - UKRAYNALI EKSPERT

“Kiyev rejimi Artemivsk (Baxmut) üzərində nəzarəti itirərsə, bu, xalqın narazılığına səbəb olacaq. Hətta Ukraynanın prezidenti Vladimir Zelenskinin devrilməsi ilə nəticələnə bilər”.

“Busaat.az” xəbər verir ki, bunu Ukraynanın eks-prezidenti Leonid Kuçmanın keçmiş müşaviri Oleq Soskin Artemivskin təslim olması ehtimalı zamanı Zelenskinin devrilməsi riskindən danışarkən deyib.

Soskinin fikrincə, əgər Ukrayna qoşunları mühasirəyə alınsa Zelenski bu vəziyyətdən o qədər də asanlıqla çıxa bilməyəcək:

“Hesab edirəm ki, Zelenski ilə birlikdə onun ofisinin rəhbəri Andrey Yermak və Ukrayna Silahlı Qüvvələrinin baş komandanı general Valeri Zalujnı da qurban gedəcək. Ukrayna prezidenti çətin vəziyyətdədir. Ukraynada onun siyasətindən narazılıq artır. Qərb də çətin ki, Zelenskiyə kömək edə bilsin”.

Busaat.az