Burada hansı dialoqdan danışmaq olar? - Mixail Ulyanov 

Moskva və Vaşinqton arasında strateji sabitlik dialoqunun bərpası yaxın gələcəkdə mümkün deyil.

Busaat.az xəbər verir ki, bu sözləri Rusiyanın Vyanadakı beynəlxalq təşkilatlar yanında daimi nümayəndəsi Mixail Ulyanov deyib.

“Hesab edirəm ki, indiki şəraitdə ABŞ-lə strateji sabitlik üzrə dialoqun bərpasından danışmaq olmaz. Vaşinqton Rusiyanı “strateji cəhətdən məğlub etmək” məqsədini açıq şəkildə bildirir və bu istiqamətdə çoxsaylı düşmən addımlar atır. Burada hansı dialoqdan danışmaq olar?”, – deyə rusiyalı diplomat bildirib.

Onun sözlərinə görə, tərəflər  arasında danışıqları bərpa etmək üçün ABŞ anti-Rusiya siyasətini nəzərəçarpacaq dərəcədə dəyişməli və qarşılıqlı məqbul həll yollarının axtarılmasında maraq göstərməlidir.

Busaat.az