ABŞ-də Rusiyaya casusluqda təqsirli bilinərək ömürlük həbs cəzasına məhkum edilmiş 79 yaşlı keçmiş FBİ agenti Robert Hanssenin həbsxanasında ölü tapıldığı bildirilib.
Busaat.az xəbər verir ki, CBC News-un xəbərinə görə, bu barədə ABŞ Həbsxanalar Bürosunun Kommunikasiya Direktoru Kristie Breşears açıqlama verib.
Breşears həbsxana işçilərinin məhkumun hərəkətsiz qaldığını gördükdən sonra təcili tibbi yardım qruplarına məlumat verdiyini ifadə edərək, “Məhkumun ölüm xəbərini təcili tibbi yardım işçiləri açıqlayıb”, – deyə qeyd edib.
Hanssen 1979-cu ildən Sovet Sosialist Respublikaları İttifaqına (SSRİ) və daha sonra Rusiyaya məxfi sənədlər satmaqda ittiham olunurdu.
Öz təqsirini boynuna alan Hanssen 2001-ci ildə federal məhkəmə tərəfindən casusluq ittihamı ilə ömürlük həbs cəzasına məhkum edilib.
Hanssenin casusluq zamanı “Ramon Garcia” təxəllüsündən istifadə etdiyi və 1,4 milyard dollardan çox nağd pul, brilyant və xarici bank depozitləri müqabilində minlərlə məxfi sənəd satdığı qeyd edilir.
2001-ci ildə Virciniya ştatında bir parkda casusluq edərkən yaxalanan Hanssenin şəxsiyyəti Rusiya kəşfiyyatçısının Hanssenin barmaq izlərinin olduğu zibil torbasını və səs yazısının olduğu faylı təhvil verməsindən sonra müəyyən edilib.
Busaat.az
