Çeçen döyüşçüləri Maryinka yaxınlığındakı Ukrayna postunu ələ keçirib

Çeçen döyüşçüləri Maryinka yaxınlığındakı Ukrayna postuna hücum edərək ələ keçirib.

Busaat.az xəbər verir ki, bu barədə Kadırov teleqram kanalında məlumat verib.

Ələ keçirilən post sərfəli mövqedə qurulub və ona xəndəklər xətti, müdafiə olunan atəş mövqeləri daxildir.

Kadırov bildirib ki, xüsusi çeçen hərbi hissəsinin döyüşçüləri Ukrayna silahlı qüvvələrinin Maryinka şəhəri yaxınlığındakı möhkəmləndirilmiş postuna basqın edərək çoxlu sayda ukraynalı hərbçini əsir götürüblər.

“Əhməd-Hacı Kadırov adına Sever-Axmat xüsusi təyinatlı alayının döyüşçüləri müdafiə olunan posta, o cümlədən istehkamlara basqın ediblər. Rəqibin şəxsi heyətinin böyük hissəsi öldürülüb, xeyli sayda ukraynalı hərbçi əsir götürülüb”.

“Bu postun ələ keçirilməsi döyüşçülərimizin əldə etdiyi parlaq nəticədir. Bu mövqe strateji əhəmiyyətli idi və onun ələ keçirilməsi Maryinka cəbhəsində ciddi uğurdur”, – o əlavə edib.

Busaat.az