İfrat sağçı siyasətçi Rasmus Paludanın Türkiyənin İsveçdəki səfirliyi qarşısında Qurani-Kərimi yandırmasına Çeçenistan lideri Ramzan Kadırovdan reaksiya gəlib.
Busaat.az xəbər verir ki, ötən gün şəxsi Telegram hesabından açıqlamalar verən Çeçenistan lideri Ramzan Kadırov Türkiyənin İsveç səfirliyi qarşısında Qurani-Kərimin yandırılması məsələsinə toxunub.
“İsveçin Stokholm şəhərində bəzi əclaflar, Danimarka Satanist Partiyasının lideri Türkiyə səfirliyinin qarşısında Qurani-Kərimi yandırıblar. Bu dəhşətli hərəkət Ankaraya etiraz kimi qiymətləndirilib. Amma bu hərəkət əslində müqəddəs dəyərlərə hücum idi”, – Kadırov bildirib.
“Hər kəs nə əkərsə, onu da biçər. Bir gün başa düşəcəklər ki, hər şey üçün çox gecdir. Cəhənnəmdə yanacaqlar”, – Kadırov sərt ifadələr işlədib.
NATO-nun şeytanın yuvası olduğunu bildirən Kadırov, “Ukraynaya qarşı İblis qüvvələri ilə də mübarizə aparırıq”, – deyə əlavə edib.
Kadırov avropapərəstlərin Quranın yandırılmasına heç bir reaksiya verməməsinə də etiraz edib.
Busaat.az
