Cənubi Afrikada orta məktəb şagirdləri 2 polis və bir müəllimi girov götürüb

Cənubi Afrika Respublikasında bir qrup orta məktəb şagirdi etiraz aksiyası zamanı iki polis  və bir müəllimi girov götürüb.

Busaat.az xəbər verir ki, Times Live-in hesabatına görə, Fiksburq şəhərində orta məktəb şagirdləri məktəb yoldaşlarının müəllimlərin zorakılığı nəticəsində intihar etdiyi iddia edildikdən sonra etiraz aksiyasına başlayıblar.

Buna görə ətrafdakı məktəblərin şagirdlərinin iştirakı ilə Tlotlisong orta məktəbinə toplaşan etirazçılar iki polis əməkdaşı və bir müəllimi girov götürüblər.

Hadisəyə müdaxilə etmək istəyən polisə daşla hücum edən tələbələr, daha sonra ələ keçirdikləri polis avtomobilini çeviriblər.

Əlavə qüvvələr gəldikdən sonra polis tələbələri dağıtmağa və girovları xilas etməyə nail olub.

Hadisə ilə bağlı 5 tələbə saxlanılıb.

Busaat.az