Cənubi Koreya, ABŞ və Yaponiya kibertəhlükəsizlik məsələlərini, o cümlədən Şimali Koreyaya qarşı mübarizə ilə bağlı məsləhət qrupu yaratmaq barədə razılığa gəliblər.
Busaat.az xəbər verir ki, bu barədə Cənubi Koreya prezidentinin ofisi məlumat yayıb.
Məlumata görə, Vaşinqtonda üç ölkə başçısının milli təhlükəsizlik üzrə müşavir müavinləri səviyyəsində görüş keçirilib.
Qeyd edilir ki, qrup KXDR-in kiberməkanda fəaliyyətini əngəlləmək üçün tədbirlər üzərində işləyəcək.
Qeyd edək ki, üçtərəfli məsləhətləşmələrin iştirakçılarının ildə dörd dəfə görüşməsi, o cümlədən kiberməkanda təhdidlərə ümumi reaksiya potensialının təmin edilməsi planlaşdırılır.
Busaat.az
