Cənubi Koreya dövlət obyektlərində dronlara qarşı müdafiə sistemi quracaq

Cənubi Koreya dövlət və hərbi obyektlərdə dronlara qarşı müdafiə sistemi qurmaq niyyətindədir.

Busaat.az xəbər verir ki, bu barədə Yonhap xəbər agentliyi məlumat yayıb.

Agentliyin məlumatına görə, müdafiə qabiliyyətinin artırılması proqramı ilə təchizat saytında 48,5 milyard von (təxminən 37,2 milyon dollar) dəyərində layihə yerləşdirilib.

Sözügedən layihə çərçivəsində Cənubi Koreya silahlı qüvvələrinin nəzarətində olan pilotsuz uçuş aparatlarına qarşı müdafiə sisteminin alınması planlaşdırılır.

Qeyd edək ki, avqustun 8-dək pilotsuz təyyarələrə qarşı yeni müdafiə sisteminin tədarükü üzrə tenderdə iştirak üçün ərizələrin qəbulu planlaşdırılır.

Busaat.az