Cənubi Koreya müharibəyə hazırlaşır

Cənubi Koreya prezident Yoon Suk Yeol Şimali Koreyanın pilotsuz təyyarələrin ölkə ərazisinə daxil olmasından sonra ölkənin silahlı qüvvələrini müharibəyə hazırlaşmağa çağırıb.

Busaat.az xəbər verir ki, bu barədə məlumatı KBS telekanalı yayıb.

“Sülhə nail olmaq üçün biz böyük üstünlüklə müharibəyə hazırlaşmalıyıq” – deyə, Yeol qeyd edib.

Cənubi Koreya liderinin sözlərinə görə, Seul Şimali Koreyanın bu cür təxribatlarına dözmək niyyətində deyil: “Biz başa düşməliyik ki, aldadıcı sülhlə nəinki təhlükəsizliyi təmin edə bilməyəcəyik, həm də onun əsaslarını sarsıdacağıq”.

Yoon Suk Yeol Şimali Koreyanın hərəkətlərinə “qisas”la cavab verməyə çağırıb: “İnsan heç vaxt qorxmamalı və tərəddüd etməməlidir. Seulun silahlı qüvvələrinin mübarizə və qalib gəlmək üçün cəsarət və əzmlə dolu bir orduya çevriləcəyinə ümid edirəm”.

Busaat.az