Şimali Koreyanın artan hərbi təhdidlərinə qarşı Cənubi Koreya və ABŞ-nin sabah birgə hava təlimləri keçirəcəyi bildirilib.
Busaat.az xəbər verir ki, Yonhap Xəbər Agentliyinin məlumatına görə, Cənubi Koreya Hərbi Hava Qüvvələrindən verilən açıqlamada sabah paytaxt Seulun cənubundakı Qvanqju şəhərindəki hərbi hava bazasında başlayacaq təlimin 12 gün davam edəcəyi bildirilib.
Bəyanatda qeyd olunub ki, iki müttəfiq ölkənin hərbi hava qüvvələri təlim zamanı birgə əməliyyat imkanlarını inkişaf etdirməyə diqqət yetirəcək.
Birləşmiş Ştatlar Şimali Koreyanın mümkün təxribatlarına qarşı durmaq üçün son aylarda bölgədə nüvə enerjisi ilə işləyən təyyarədaşıyan gəmi də daxil olmaqla, böyük hərbi varlıq yerləşdirib.
Qeyd edək ki, Şimali Koreya administrasiyası 2022-ci ilin əvvəlindən bu yana 100-ə yaxın raket sınağı keçirib.
Busaat.az
