Cənubi Koreya və ABŞ birgə təlimlərə başlayıb

Bu gün Cənubi Koreya Respublikası və ABŞ böyük birləşmiş hərbi təlimlərə başlayıb.

Busaat.az xəbər verir ki,bu barədə Yonhap məlumat yayıb.

Mənbə bildirib ki, avqustun 31-dək davam edəcək Ulçi Azadlıq Qalxanı təlimi hərtərəfli müharibə ssenarisinə əsaslanacaq. O, sahə təlimi tədbirləri və kompüter simulyasiyasına əsaslanan komanda-qərargah məşqi, habelə mülki müdafiə təlimlərini əhatə edəcək.

Yonhap-ın məlumatına görə, keçən yay 13 ilə müqayisədə bu il təxminən 30 müttəfiq sahə təlimi tədbirinin keçirilməsi planlaşdırılır. Bu il 25 çöl təlimi tədbiri keçirilib.

Bundan əlavə, Avstraliya, Böyük Britaniya, Kanada, Tayland, Filippin və Fransa da daxil olmaqla, BMT Komandanlığının (UNC) üzvü olan doqquz ölkədən şəxsi heyətin təlimə qatılacağı gözlənilir.

Cənubi Koreyanın Müdafiə Nazirliyi daha əvvəl bildirmişdi ki, ABŞ ilə birgə təlim zamanı ölkə ordusu Şimali Koreyanın mümkün hərbi fəaliyyətlərinə qarşı hazırlığını gücləndirəcək.