
Cənubi Koreyada torpaq sürüşməsi nəticəsində ölənlərin sayı 41-ə çatıb
Cənubi Koreyada son bir həftədə yağışların yaratdığı sel və torpaq sürüşmələri nəticəsində ölənlərin sayı 41-ə yüksəlib.
Busaat.az xəbər verir ki, güclü yağışların yaratdığı sel səbəbiylə 12 mindən çox insan təxliyə edilib, itkin düşən 9 nəfərin axtarışları isə davam edir.
Ölkə üzrə daşqınlar nəticəsində zərər çəkmiş binaların sayı 1000-i ötüb.
Xilasetmə işlərini davam etdirən səlahiyyətlilər, ölən və itkin düşənlərin sayının artmasından narahatdır.
Meteoroloqların yağıntıların artacağı ilə bağlı xəbərdarlığından sonra Daxili İşlər və Təhlükəsizlik Nazirliyi həyəcan səviyyəsini ən yüksək səviyyəyə qaldırıb.
Busaat.az























