Cənubi Koreyanın Baş naziri Han Duk-su istefa verib.
Busaat.az bu barədə Türkiyə medyasına istinadən xəbər verir.
Seulda keçirilən mətbuat brifinqində istefasını elan edən nazir, bu qərarı çətin və məsuliyyətli bir dövrdə verdiyini bildirib.
“Bu ağır məsuliyyət şəraitində qərarın düzgün və qaçılmaz olub-olmadığını uzun müddət düşündüm. Əgər yeganə yol budursa, bunu etməli idim,” – deyə o bildirib.
Yerli medianın məlumatın görə, Hanın istefa qərarı 3 iyunda keçiriləcək prezident seçkilərində namizəd olmaq məqsədi daşıyır.
Xatırladaq ki, keçmiş Prezident Yun Sok Yolun vəzifədən uzaqlaşdırılmasından sonra dövlət başçısının səlahiyyətlərini Baş nazir icra edirdi.
Aqil Nuriyev
Busaat.az
