Rusiya Ukraynadakı münaqişədə taktiki nüvə silahından istifadə etməklə hədələyir.
Busaat.az xəbər verir ki, bunu Çexiya prezidenti Miloş Zeman Qətər əmiri Şeyx Təmim bin Həməd Al Tani ilə danışıqlardan sonra Praqada keçirdiyi brifinqdə deyib.
“Rusiyanın Ukraynada taktiki nüvə silahından istifadə etmək təhdidləri səbəbindən nüvə münaqişəsi riski yüksəkdir. İnanıram ki, bu vəziyyətdə təkcə Avropa deyil, hər kəs güclü hərbi cavab verməli olacaq” – deyə, çex lider əlavə edib.
Çexiya prezidentinin fikrincə, beynəlxalq ictimaiyyət Rusiya rəhbərliyinə aydın mesaj göndərməlidir ki, Rusiya Ukraynada nüvə silahından istifadə edərsə, təkcə diplomatik deyil, həm də hərbi reaksiya ilə qarşılaşacaq və bunun ağır nəticələri olacaq.
Busaat.az
