Çexiya hələlik Rusiyadan neft almağa davam edəcək.
Busaat.az xəbər verir ki, bu barədə Çexiyanın neft, sənaye və ticarət naziri Yozef Sikela Çexiya diplomatları ilə görüşündə deyib.
O, bildirib ki, Almaniyanın İnqolştadt şəhərində Çexiyanı TAL neft kəməri ilə birləşdirən IKL neft kəmərinin tikintisi başa çatana qədər, başqa neft mənbələrinə dərhal keçid mümkün deyil.
“TAL neft kəmərinin tikintisinin başa çatmasından və Transalp neft kəmərinin (TAL) gücündə əhəmiyyətli artımdan sonra Rusiyadan Drujba neft kəməri üzərindən tədarükün kəsilməsi mümkün olacaq”, – Sikela əlavə edib.
IKL neft kəmərinin tikintisinin 2025-ci ildə başa çatdırılması planlaşdırılır. Çexiya fəaliyyətə başladıqdan sonra ildə dörd milyon metrik ton daha çox neft almağa başlayacaq.
