Çinin Su Ehtiyatları Nazirliyi ölkənin şimal-şərq əyalətlərində, eləcə də Monqol Muxtar Bölgəsində leysan yağışları səbəbindən 3-cü səviyyəli daşqın xəbərdarlığı edib.
Busaat.az xəbər verir ki, bu barədə “Global Times” məlumat yayıb.
Məlumata görə, Lyalı və Mudan çayları da daxil olmaqla, ümumilikdə 25 çay xəbərdarlıq səviyyəsini 0,06-3,40 metr keçib, səlahiyyətlilər beş çayın zəmanət verilən su səviyyəsini keçdiyini açıqlayıb.
Çinin şimal-şərqindəki Jilin əyalətinin Şulan şəhərində leysan yağışları nəticəsində 6 həlak olub, 4 nəfər isə itkin düşüb. Yerli hakimiyyət orqanları bildirblər ki, itkin düşənlərin hamısı xilasetmə və fəlakətin aradan qaldırılması əməliyyatlarında iştirak edən xilasedicilərdir.
Rəsmi statistikaya görə, Çində 7,03 milyondan çox insan “Super Tayfun Doxur”un səbəb olduğu daşqınlar və geoloji fəlakətlərdən zərər çəkib, 142 nəfər ölüb və ya itkin düşüb, 2300-dən çox ev dağılıb və 15,78 milyard yuana qədər iqtisadi itki var.
Busaat.az
