Çin-ABŞ münasibətlərinin nizamlanmasında sizin konstruktiv rolunuza ümid edirik - Si Cinpin

Pekin Çin-ABŞ münasibətlərinin normallaşdırılmasında konstruktiv rol oynamağa davam edəcək.

Busaat.az xəbər verir ki, bu sözləri Çin lideri Si Cinpin ABŞ-nin sabiq dövlət katibi Henri Kissincerlə görüşü zamanı bildirib.

Si Cinpin qeyd edib ki, 52 il əvvəl Çin-Amerika münasibətləri dönüş nöqtəsində idi.

Sədr Mao Tszedonq, Çin Dövlət Şurasının Baş naziri Çjou Enlay, Prezident Nikson və şəxsən siz müstəsna strateji baxışınız sayəsində Çin-Amerika əməkdaşlığının xeyrinə düzgün seçim etdiniz, ikitərəfli münasibətlərin normallaşması prosesini başlatdınız.

O, qeyd edib ki, Çin “köhnə dostlarını”, eləcə də Kissincerin Çin-Amerika münasibətlərinə şəxsi töhfəsini unutmayacaq.

“Çin və ABŞ yenidən yol ayrıcındadır, hansı yolla gedəcəklərini bilmədən tərəflər yenidən seçim etməlidir. Çin və ABŞ gələcəkdə mütləq birgə uğur və firavanlıq əldə edə bilərlər, əsas odur ki, qarşılıqlı hörmət, dinc yanaşı yaşama və qarşılıqlı faydalı əməkdaşlıq prinsiplərinə əməl etsinlər”, – Si Cinpin deyib.

“Ümid edirəm ki, siz və ABŞ-dəki sağlam düşüncəli insanlar Çin-Amerika münasibətlərinin düzgün yola qayıtmasına töhfə vermək üçün konstruktiv rol oynamağa davam edəcəklər”, – prezident sözlərini yekunlaşdırıb.

Busaat.az