Çin CERES-1 raketi ilə 5 peyk buraxıb

Çin özəl şirkət tərəfindən hazırlanmış ilk daşıyıcı raket olan CERES-1 ilə Yerin orbitinə 5 peyk göndərib.

Busaat.az Çinin Sinxua agentliyinə istinadən xəbər verir ki, ölkənin şimal-qərbindəki Qansu əyalətindəki Ciuçuen Peyk

Mərkəzindən “Tienchi-13” internet rabitə peyki, iki “Tienmu” sinifli meteoroloji peyk və iki yer müşahidə peyki ” CERES-1 Y5″ raketi ilə orbitə buraxılıb.

Bildirilib ki, peyklər buraxılışdan sonra planlaşdırılmış orbital mövqeyə yerləşdirilib.

Buraxılış CERES-1 raketi ilə 5-ci uğurlu nəqliyyat missiyası kimi tarixə düşüb.

İlk buraxılış 7 noyabr 2020-ci ildə, ikinci buraxılış 7 dekabr 2021-ci ildə, üçüncü buraxılış 9 avqust 2022-ci ildə, dördüncü buraxılış isə 16 noyabr 2022-ci ildə həyata keçirilib.

Busaat.az