Çin gəmiləri Yaponiyanın ərazi sularına daxil oldu – GƏRGİNLİK

Çinin sahil mühafizəsi gəmilərinin Şərqi Çin dənizindəki mübahisəli Senkaku adaları ətrafındakı Yaponiya ərazi sularına daxil olduğu bildirilir.

Busaat.az xəbər verir ki, Okinavanın Naha qraflığında yerləşən 11-ci Dairə Sahil Mühafizəsi Qərargahı məlumat yayır.

Məlumata görə, Çinin 2 sahil mühafizə gəmisi Yaponiyanın ərazi sularını pozub.

Çin gəmiləri yerli vaxtla saat 02:40-da Minamikojima ətrafında Yapon balıqçı gəmilərinə yaxınlaşmağa cəhd ediblər.

Çin gəmilərinə ərazini tərk etmələri barədə xəbərdarlıq edən Yaponiya Sahil Mühafizəsi balıqçı gəmilərinin təhlükəsizliyini təmin etdiyi bildirilib.
Mübahisəli adalar

Şərqi Çin dənizində Yaponiyanın “Senkaku” və Çinin “Diaoyu” adlandırdığı arxipelaq 5 ada və 3 qayadan ibarətdir.
Yaponiyaya məxsus olan, ancaq Çinin iddia də etdiyi və heç kimin yaşamadığı adalar uzun müddətdir ki, suverenlik mübahisələrinə səbəb olub.

Busaat.az