Çin gəmiləri Yaponiyanın ərazi sularını pozdu

Çin gəmilərinin Şərqi Çin dənizindəki mübahisəli Senkaku adaları ətrafındakı Yaponiyaya aid milli ərazi sularını pozduğu bildirilib.

Busaat.az xəbər verir ki, bu barədə Okinavanın Naha qraflığında yerləşən 11-ci Dairə Sahil Mühafizəsi Qərargahının məlumatında qeyd edilib.

Məlumata görə, Çinin 4 sahil mühafizə gəmisi Yaponiyanın milli ərazi sularını pozub. Çin gəmiləri mübahisəli Senkaku adaları bölgəsindəki Uotsuri adasından təxminən 20 kilometr cənub-qərbdə Yaponiyanın milli ərazi sularına daxil olub.

Yaponiya Sahil Mühafizəsi Çin gəmilərinə bölgəni tərk etmələri barədə xəbərdarlıq edib. Ərazi sularının bu cür pozulması bu il ilk dəfə baş verib.

Qeyd edək ki, sözügedən mübahisəli adalar Şərqi Çin dənizində Yaponiyanın “Senkaku” və Çinin “Diaoyu” adlandırdığı arxipelaqdır və arxipelaq 5 ada və 3 qayadan ibarətdir.

Ada Yaponiyaya məxsus olsa da, Çin adaya iddia etməyə davam edir.

Busaat.az