Çinin ilk dəfə istifadə edilə bilən pilotlu kosmik gəmisi 2027-ci ildə kosmosa buraxılacaq.
Busaat.az xəbər verir ki, o, Amerikanın SpaceX Dragon və Boeing CST-100 Starliner təkrar istifadə edilə bilən kosmik gəmilərinə əsas rəqib olacaq.
Bundan əlavə, Çin və Rusiya da ondan Ayın kəşfiyyat proqramlarında istifadə edə biləcəklər.
Məlumata görə , kosmik gəminin tam miqyaslı prototipi 2020-ci ildə kosmosa uçub. O, formasına görə “küt güllə”yə bənzəyir, lakin qoruyucu antitermik örtük materialları və dizaynı ilə müasir birdəfəlik Çin Shengzhou kosmik gəmisindən fərqlənir. Yeni kosmik gəminin termal örtüyü 1650°C-yə qədər davam edə bilir, lakin əvvəlkindən 30% yüngüldür.
Gəminin əksər komponentləri 10 dəfəyə qədər təkrar istifadə edilə biləcək ki, bu da buraxılış xərclərini azaldacaq. SpaceX Dragon və Boeing CST-100 Starliner kimi, Çin versiyası yeddi astronavtı qəbul edə bilər.
Gəmisinin dizaynı isə əvvəlki modellərlə müqayisədə daha sadədir. O, üç əvəzinə iki seqmentdən ibarətdir və eyni zamanda SpaceX Dragon-dan iki dəfə uzundur və kütləsi Oriondan iki dəfə çoxdur.
Qeyd edək ki, yeni kosmik gəmi Çinin gələcək kosmik proqramlarında, xüsusən də Ayda bazanın yaradılmasında mühüm rol oynayacaq.
Busaat.az
