Çin martın 15-dən əcnəbilərə bütün növ vizaların verilməsini bərpa edəcək
Çin martın 15-dən etibarən xarici vətəndaşlar üçün bütün növ vizaların nəzərdən keçirilməsini və verilməsini bərpa etməyi planlaşdırır.
Busaat.az xəbər verir ki, bu barədə Çin Xarici İşlər Nazirliyinin Konsulluq İşləri Departamentinin səhifəsində bildirilib.
“Viza verən xaricdə yerləşən qurumlar Çinə gələn əcnəbi vətəndaşlar üçün bütün növ vizaların nəzərdən keçirilməsini və verilməsini bərpa edəcək”, – məlumatda deyilir.
Departament bildirib ki, 28 mart 2020-ci il tarixinə qədər verilmiş və müddəti hələ bitməmiş vizalar yenidən qüvvəyə minəcək. Bundan əlavə, sərhəd viza mərkəzləri “müvafiq şərtlər yerinə yetirilərsə” yenidən sərhəddə viza verəcəklər.
Busaat.az
