Çin Parlamenti Qin Qanın xarici işlər naziri vəzifəsindən uzaqlaşdırıldığını və onun yerinə Çin Kommunist Partiyasının Xarici Əlaqələr Komissiyasının Ofisinin rəhbəri Vanq Yinin təyin ediləcəyini elan edibş
Busaat.az bu barədə xarici mətbuata istinadən xəbər verir.
“Səsvermə nəticəsində Qinq Qanın xarici işlər naziri vəzifəsindən kənarlaşdırılması və Vanq Yinin xarici işlər naziri təyin edilməsi barədə qərar qəbul edilib”, – sənəddə qeyd edilir.
İclasa Daimi Komitənin rəhbəri Zhao Lezhi sədrlik edib və müvafiq sərəncamı Çinin sədri Si Cinpin imzalayıb.
Bu dəyişikliyin səbəbləri barədə məlumat verilməyib.
İyulun 11-də Qin Qanın səhhəti ilə əlaqədar Cakartada baş tutmalı olan ASEAN ölkələrinin xarici işlər nazirlərinin görüşündə iştirak edə bilməyəcəyi barədə məlumat verildikdən sonra Çin XİN rəhbərinin “yoxa çıxması” mövzusu Qərb mediasında dolaşmağa başlayıb.
O vaxtdan bəri Çin Xarici İşlər Nazirliyi nazirin yeri və səhhətinin vəziyyəti ilə bağlı əlavə məlumat verməyib.
Qin Qan 1966-cı ildə anadan olub. 1988-ci ildən müxtəlif diplomatik vəzifələrdə işləyib.
Busaat.az
