Çin rəsmiləri, bu həftə Kambocada keçiriləcək regional təhlükəsizlik forumu çərçivəsində ABŞ Müdafiə naziri ilə görüşə açıq olduqlarını söyləyib.
Busaat.az xəbər verir ki, bu barədə Çinin Müdafiə Nazirliyi məlumat yayıb.
Məlumata görə, Çinin Müdafiə naziri Wei Fenghe və Pentaqon rəhbəri Lloyd Austin daha əvvəl ASEAN-Plus müdafiə nazirlərinin görüşündə iştirak edəcəklərini ayrı-ayrılıqda təsdiqləyiblər.
Çin Müdafiə Nazirliyinin sözçüsü Tan Kefei qeyd edib ki, Çin ABŞ ilə müzakirələrdə aktiv və açıq mövqe nümayiş etdirir. O, həmçinin bildirib ki, çərşənbə günü keçiriləcək forumda tərəflər fikir mübadiləsi apara bilərlər.
Görüş baş tutarsa, avqust ayında ABŞ Nümayəndələr Palatasının spikeri Nensi Pelosinin Tayvana səfərinə cavab olaraq iki ölkənin müntəzəm dialoqu dayandırmasından sonra ölkələr arasında ilk yüksək səviyyəli hərbi təmas olacaq.
Busaat.az
