Çin kosmosa uzaqdan idarə olunan “Yaogan” Yer müşahidə peykləri göndərib.
Busaat.az xəbər verir ki, bu barədə məlumatı Çinin Xinhua xəbər agentliyi yayıb
Agentliyin xəbərinə görə, Qobi səhrasındakı Ciucuen Peyk Mərkəzindən “Long March 4C” raketi ilə “Yaogan-34” tipli üç peyk kosmosa buraxılıb.
Orbitə buraxıldıqdan sonra peyklər planlaşdırılmış orbital mövqelərinə eniblər.
Bildirilib ki, peyklər torpaq ehtiyatları və məhsul monitorinqi, şəhərsalma və fəlakətlərin qarşısının alınması işlərində istifadə olunacaq.
Buraxılış Long March raketləri ilə həyata keçirilən 450-ci uğurlu missiyadır.
Yaogan-34 peyklərinin birinci qrupu 2021-ci il aprelin 30-da, ikinci qrupu isə martın 17-də orbitə buraxılıb.
