Dünyanın ikinci ən böyük iqtisadiyyatı olan Çin və Braziliya artıq ticarətdə yuan və realdan istifadə edəcək.
Busaat.az xəbər verir ki, bu barədə Braziliya hökuməti məlumat yayıb.
Məlumatda bildirilir ki, Çinlə ticarətdə yerli valyutanın istifadəsi ilə bağlı razılıq əldə olunub.
Müqaviləyə görə, ödənişlər artıq ABŞ dollarından asılı olmayacaq.
İkitərəfli ödənişlərdə Çin yuanı və Braziliya realı qarşılıqlı şəkildə istifadə ediləcək.
İki ölkə öz yerli valyutalarından istifadə etməklə xərcləri azaltmağı və ticarət həcmini genişləndirməyi hədəfləyir.
Pekin bu addımları ilə qlobal ticarətdə öz valyutasının payını artırmaqla yanaşı, ABŞ dollarının hökmranlığına alternativ təklif etməyə çalışır.
Bununla belə, ABŞ dolları artıq mərkəzi bankların bir nömrəli ehtiyat valyutasıdır.
Busaat.az
